Portal de Noticias Cedeira OnLine Café Bar A MARINA

Concello de Cedeira - BOP

ANUNCIO

Caducidade e baixa de extranxeiros non comunitarios no Padrón Municipal de Habitantes (INE 111)

Resolución de Alcaldía núm. 26 do 24.01.2012

A Lei orgánica 14/2003, de 20 de novembro, no seu artigo 3º modifica a Lei 7/1985, de 2 de abril, reguladora das bases de réxime local e introduce, entre outras, unha modificación no artigo 16 que establece a renovación periódica cada dous anos das inscricións de estranxeiros non comunitarios sen autorización de residencia permanente no Padrón Municipal de Habitantes e a caducidade de ditas inscricións, no caso de que o interesado non procedese a tal renovación. Neste caso, a caducidade poderá declararse sen necesidade de audiencia previa do interesado.

Tendo en conta o resto da lexislación aplicable nesta materia e de acordo coa documentación xustificativa que consta en poder do Negociado de Estatística deste Concello, en uso das atribucións que me están conferidas,

RESOLVO:

Concello de Cedeira - Axenda Cultural - AUDITORIO

Este sábado ás 19:30 h. e co prezo habitual, 2,50 €, contaremos co espectáculo "Fuera de sitio" do coñecido monologuista David Amor, continuando así co ciclo de comedia e humor dos sábados en Cedeira.

Concello de Cedeira - DOGA

Portos de Galicia

ACORDO do 25 de novembro de 2011, da Xefatura da Zona Norte, polo que se somete a información pública a solicitude dunha concesión administrativa por parte da Confraría de Pescadores de Cedeira.

J. Agustín Pérez Pernas, en calidade de patrón maior da Confraría de Pescadores de Cedeira, presenta escrito de solicitude dunha concesión administrativa para a ocupación da casa do pescador de Cedeira con destino a usos múltiples en zona de dominio público portuario de Cedeira.

O que se fai público para os efectos previstos no artigo 110 da Lei 48/2003, do 26 de novembro, de réxime económico e de prestación de servizos dos portos de interese xeral (BOE núm. 284, do 27 de novembro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Xefatura da Zona Norte de Portos de Galicia, sitas na rúa Nicomedes Pastor Díaz n.º 13, 27001 Lugo, no prazo de vinte (20) días hábiles, contados a partir do seguinte ao de publicación deste anuncio no Diario Oficial de Galicia.

Lugo, 25 de novembro de 2011.

Antonio López Fernández
Enxeñeiro xefe da Zona Norte de Portos de Galicia

Concello de Cedeira - BOP

ANUNCIO

EMPRAZAMENTO PROCEDEMENTO ABREVIADO 394/2011.

Faise público para os efectos previstos no artigo 49 da Lei 29/1998, do 13 de xullo, de xurisdicción contencioso-administrativa, e artigo 59 da Lei 30/1992, do 26 de novembro, que ante o Xulgado do Contencioso-Administrativo n. 1 de Ferrol, CONFEDERACIÓN INTERSINDICAL GALEGA interpuxo recurso contencioso-administrativo contra Concello de Cedeira, por modificación do horario do persoal do Concello.

Polo exposto emprázase a todo o que fose interesado no procedemento para que poida comparecer e persoarse no prazo de nove (9) días ante o Xulgado do Contencioso-Administrativo n. 1 de Ferrol, rúa Coruña, nº 55, 2ª planta, 15402, Ferrol.

Cedeira, 18 de xaneiro de 2012
O Alcalde
Leopoldo Rubido Ramonde

Concello de Cedeira - BOP

ANUNCIO

EMPRAZAMENTO PROCEDEMENTO ABREVIADO 190/2011.

Faise público para os efectos previstos no artigo 49 da Lei 29/1998, do 13 de xullo, de xurisdicción contencioso-administrativa, e artigo 59 da Lei 30/1992, do 26 de novembro, que ante o Xulgado do Contencioso-Administrativo n.º 1 de Ferrol, MDC INGENIERÍA, S.L. interpuxo recurso contencioso-administrativo contra o Concello de Cedeira, abono da factura n.º 057/1998, por importe de 523,98 € máis intereses de demora.

Polo exposto emprázase a todo o que fose interesado no procedemento para que poida comparecer e persoarse no prazo de nove (9) días ante o Xulgado do Contencioso-Administrativo n.º 1 de Ferrol, rúa Coruña, n.º 55, 2.ª planta, 15402 Ferrol.

Cedeira, 12 de xaneiro de 2012.
O alcalde
Leopoldo Rubido Ramonde

A MOCIÓN QUE O ALCALDE, NON LLE DEIXOU PRESENTAR AOS SOCIALISTAS

GOLPE MORTAL AOS EMPRENDEDORES

O 18 de outubro do 2011 a Alcaldía renuncia á subvención concedida polo Ministerio de Industria do Goberno de España para a realización do proxecto “Centro Municipal de Empresas”, o que, de maneira coloquial, denominabamos niño ou viveiro de empresas.

O goberno que tivemos o honor de presidir impulsa este proxecto no ano 2009, consciente de que o Concello debe apoiar de forma proactiva a consolidación dun tecido empresarial sólido no noso municipio.

Nace á sombra do Plan Ferrol que pretende revitalizar a economía das comarcas do Eume, Ferrol e Ortegal.

O Plan Ferrol está detrás das axudas ás empresas que están a instalarse no Parque Empresarial de Cedeira. Coordina fondos europeos, estatais, e galegos, para por a disposición de iniciativas empresariais, finanzamento sen aval a interés cero con longos prazos de carencia e amortización, cando non a fondo perdido, como é o caso da subvención á que se acaba de renunciar.

Sentímonos na obriga de impulsar o viveiro de empresas de Cedeira, como no seu dia se fixo en As Pontes, porque:

§ Poría a disposición dos emprendedores cedeireses estudios, oficinas, ou talleres con alquileres a baixo custo, toda vez que se aproveitarían as ventaxas dos sevicios comúns, limpeza, subministros, etc.

§ Sería un complemento útil para as empresas instaladas no Parque Empresarial da Trabe.

§ Axudaría a que os nosos emprendedores se quedasen no seu pobo. Sería un instrumento para a adquisición de experiencia que lle permitiría á mocidade afrontar as duras esixencias do mundo empresarial. Os principios son sempre os máis difíciles.

§ Apoiaría á pequena e mediana empresa, xeradora do maior número de postos de traballo do noso pais. Trátase dun mecanismo de autoemprego que suavizaría a dura situación sociolaboral do noso Concello.

§ Sería unha saída para a xuventude que sae cunha extraordinaria formación dos nosos centros educativos.

A mocidade formada nas ramas profesionais do IES PUNTA CANDIEIRA é moi apreciada polo empresariado doutros polígonos indutriais. Aspirabamos a que moitos deles exercesen as súas profesións en Cedeira.

Na sesión de 26 de outubro de 2011, da Xunta de Goberno Local, no seu punto 6.3 RATIFICARON A RENUNCIA ÁS AXUDAS DE REINDUSTRIALIZACIÓN acordado polo Alcalde “Debido a la imposibilidad de hacer frente a la aportación municipal” que ascende a 60.250 €.

Desde o Grupo Socialista propoñemos a aprobación dunha moción de reprobación hacia esta resolución tomada polo actual Alcalde e pola súa Xunta de Goberno porque, fronte ás bondades do Viveiro de Empresas, resumidas máis arriba:

1. Non dí verdade o Alcalde e con elo a súa Xunta de Goberno cando fala da “imposiblidade de facer frente á aportación municipal”. Basta con mirar o frívolo destino, neste momento de crise e paro, ao que adicarán os fondos que nos enviará a Deputación Provincial.

2. A renuncia obedece, unha vez máis, a un espíritu sectario que vai contra os intereses da Institución e de toda Cedeira, porque, igual que fixo eliminando a cor do Palacete, prefiere destruir e despilfarrar os cartos dos contribuíntes, a que permanezan e cobren vida os proxectos que non lles pertencen, por fermosos e importantes que estes sexan.

De igual maneira ínstase ao Goberno Municipal de Cedeira a poñer cantos medios estean ao seu alcance para facer realidade este proxecto tan importante para o futuro dos nosos emprendedores

En Cedeira, a 23 de xaneiro de 2012

JOSÉ LUIS VERGARA REY

PORTAVOZ SOCIALISTA

Concello de Cedeira - Axenda Cultural

Continuando cos sábados de comedia, no Auditorio Municipal de Cedeira poderemos ver o día 28 ás 19:30 h. ao grupo de teatro M. de Ares coa obra "A Voda de Esganarello" de Moliére

Entrada: 2,50 €

Sinopse: Un vello moi rico pretende casar cunha rapaciña nova e moi fermosa e para iso trata a voda coa nai da rapaza, pois sabe das necesidades desa familia. Pero a cousa non vai ser tan doada ...

Concello de Cedeira - DOGA

ANUNCIO de aprobación definitiva do estudo de detalle das parcelas 41-42 do parque empresarial da Trabe.

O Pleno da Corporación, na sesión ordinaria realizada o 29 de novembro de 2011, adoptou o seguinte acordo:

Aprobar definitivamente o estudo de detalle, promovido por Ortegal Laboratory, S.L., co obxecto de definir a ordenación de volumes correspondentes á agrupación das parcelas 41-42 do parque empresarial da Trabe (Cedeira), redactado por M.ª Victoria Garro Novillo e visado polo COAG na data 2.9.2011.

Este acordo supón o levantamento da suspensión de outorgamento de licenzas no ámbito regulado polo estudo de detalle.

O acto de aprobación definitiva do citado estudo de detalle foi comunicado á Consellería de Medio Ambiente, Territorio e Infraestruturas o 14 de decembro de 2011, en cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, dándolle traslado, así mesmo, de dous exemplares do instrumento aprobado definitivamente, con todos os planos e os documentos que o integran debidamente dilixenciados pola secretaria do concello.

Contra este acordo plenario, que pon fin á vía administrativa, poderá interpoñerse de xeito previo e potestativamente recurso de reposición no prazo dun mes contado desde o día seguinte ao da publicación deste anuncio, ante o Pleno do Concello de Cedeira, de conformidade cos artigos 116 e 117 da Lei 30/1992, de réxime xurídico das administracións públicas e do procedemento administrativo común, ou directamente, poderá interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade cos artigos 8, 9 e 10 da Lei 29/1998, reguladora da xurisdición contencioso-administrativa, no prazo de dous meses contado desde o día seguinte ao da publicación deste anuncio, de conformidade co artigo 46 da Lei da xurisdición contencioso-administrativa.

Cedeira, 15 de decembro de 2011.

Leopoldo Rubido Ramonde
Alcalde

INDEFINICIÓN - Por Diego R. Piñón

Un artigo de Diego R. Piñón publicado no xornal Diario de Ferrol

"No tórrido outubro pasado organizamos unha andaina a San Andrés de Teixido. Partimos do parque dos parrulos,á beira do río Condomiñas onde, por certo, un picapeixe nos deleitou cunha espléndida sesión de pesca matutina. Xa en ruta no val de Regoa, a xente parouse a contemplar un fenómeno extraordinario. Unha maciñeira cargada de froito, con flores e á que lle caían as follas.Todo á vez. Sorprendidos, conxuntamente miramos, comentamos a tolemia do tempo e algúns inmortalizaronna co seu móvil. Seguimos camiño deixando atrás unha árbore en crise, desnaturalizada, en indefinición estacional.
En maio a semente da lei de dependencia e autonomía persoal cumplirá cinco anos da súa implantación. ¿En que momento se atopa? Sen lugar a dúbidas, nunha situación similar á maciñeira de Regoa: expedientes con froito, outros en flor e moitos caidos e perdidos para sempre. Simultaneamente activa, recortada e paralizada. En definitiva en indefinición.
Sabemos que a Consellería de Traballo e Benestar da Xunta de Galicia está a punto de regala publicando unha orde que aumentará o copago dos seus usuarios en servizos residenciais, centros de día e de axuda no fogar. Mais non sabemos cal será a súa próxima estación, o seu futuro. As decisións do goberno central en marzo poden marcar a diferenza entre unha esperada e florida primavera ou a volta a un continuo inverno indefinido. ¿Só o tempo está tolo?"

Asociación Deportivo-Cultural Mariña Axexo

Luego de una semana de sol, el día domingo pasado amaneció lluvioso. A pesar de ello salimos en la caminata prometida por los acantilados.
La lluvia obligó a modificar la ruta inicial, pero de todos modos los senderistas más entusiastas salieron en una marcha de 4 horas a disfrutar de buenos paisajes y camaradería.
Agradecemos a nuestro monitor, Moncho, la colaboración del Ayuntamiento de Cedeira Conc. De Juventud y Deportes, a Estrella de Galicia que nos donó las aguas que se entregaron a los senderistas y a Protección Civil que nos acompañó en todo el trayecto.

Los esperamos en la próxima caminata.
Asociación Axexo

© 2012 - AXEXO